İntiharların ən yüksək həddə çatdığı ölkələrdən biri Cənubi Koreya sayılır. Cənubi Koreya OECD ölkələri arasında intihar sayina görə birinci yerdədir.
Perfeksionizm koreyalıların xarakterik xüsusiyyətdir. İdeal çəkidə olmaq, ideal dəriyə sahib olmaq, üz cizgilərinin mükəmməl olması, statistikaya görə hər 5 koreyalı qadından biri həyatında ən azı bir dəfə plastik əməliyyat olunub, Seul plastik cərrahiyyənin paytaxtı sayılır. Fikir versəz hətta selfie üçün foto-proqramların əksəriyyəti belə koreya istehsalıdır. Bu proqramlar vasitəsi ilə üzünüzün ovalından tutmuş, dodaqlarınızın formasına qədər dəyişikliklər edə bilərsiniz.
Həmçinin koreyalılar yüksək səviyyədə təhsilə böyük önəm verir və çox karyerist insanlardırlar. Belə bir cəmiyyətin nə mənfi cəhəti ola bilər ki? sualı yaranır. Statistikaya nəzər salaq: Mükəmməl təhsil sisteminə sahib olan bu ölkə tələbə intiharlarının sayına görə dünya üzrə 2-ci yerdədir. Bu ölkə həmçinin yüksək stressli təhsil və iş mühiti olan ölkə kimi tanınır. Səbəb həmin mühitlərdə rəqabətin güclü olmasıdır. Heç kəs əlində olduğu ilə kifayətlənmir və daha yaxşı nəticə əldə etmək üçün çalışır. Rəqabət əlbəttə ki, müsbət haldır və inkişafa aparır. Lakin böyük gözləntilər əksər hallarda reallıqla üst-üstə düşmür və bu da çox zaman uçuruma aparır.
Yaşadığımız dövrün ən əsas sloqanı olan "hər şey sənin öz əlindədir" insanı içdən dağıdan bir qüvvədir. Bu individualist yanaşma insana taleyinin yalnız öz əlində olduğu və tamamilə özü kontrol elədiyi təsəvvürünü yaradır. İnsanlar hər şeyi öz şəxsi uğurları və uğursuzluqları kimi qəbul edir.
Belə nəticəyə gəlmək olar ki, perfeksionizm intihara gətirib çıxarır? Bilmirəm. Lakin perfeksionizm depressiyaya səbəb olur, perfeksionistin özü üçün qoyduğu yüksək standartlar reallaşmadıqda problemi özündə axtarmağa çalışır, nədə isə yetərli olmadığını düşünür və içinə qapanır. İnsan hər şeyin onun əlində olmadığını dərk etməlidir, ideal olmadığını. Məsələn genlərimiz, xəstəliklər, bədbəxt hadisələr və digər bizdən asılı olmayan amillər. Hər bir uğur və uğursuzluq tam olaraq bizim şəxsi keyfiyyətlərimizin nəticəsi deyil.
Heç bir insan ideal deyil, ümümiyyətlə yer kürəsində ideal formada bir şey yoxdur, yer kürəsinin özü belə ideal kürə formasında deyil. Bu idealları biz özümüz yaradırıq. Məqsəd ən yaxşı olmaq deyil, özünü yaxşı hiss etməkdir.
Комментарии
Отправить комментарий